मोरङको सुन्दरहरैंचा नगरपालिका वडा नं १ स्थित लक्ष्मीपुरमा रहेको सुर्य ज्योती आधारभुत विधालयका विधार्थीहरुलाई नि:शुल्क जुत्ता र जुरफ वितरण गरिएको छ ।
सुन्दरहरैंचामा रहेको सामाजिक संस्था पाथिभरा महिला समाजले नि:शुल्क जुत्ता र जुरफ वितरण गरेको हो । करिब १४ हजार रकम बराबरको ३५ जना विधार्थीहरुलाई जुत्ता र जुरफ उपलब्ध गराएको पाथिभरा महिला समाजकी अध्यक्ष योजना शर्माले बताइन् ।
कार्यक्रममा सुन्दरहरैंचा नगरपालिका वडा नं १ कि वडा सदस्य धारणा खनाल, विधालय व्यवस्थापन समितिका अध्यक्ष, महिला समाजकी संस्थापक अध्यक्ष प्रमिला दुलाल, पुर्व अध्यक्ष सुनिता पोखरेल ढकाल लगायत समाजका पदाधिकारी र सदस्यहरुको उपस्थिती रहेको थियो ।
