सुन्दरहरैचा/
बेलबारी महोत्सव २०८१ को अन्तिम दिन एकै पटक तिन कार्यक्रम सम्पन्न भएको छ । बेलबारी ३ मा सम्पन्न भएको महोत्सवमा बेलबारी प्लसले नियमित राष्ट्रिय कलाकार र स्थानीय कलाकारको प्रस्तुति सहित द्रव्य ब्यान्डको म्युजिक भिडियो सार्वजनिक साथै साफ महिला च्याम्पियनसिपको फाइनल खेलको प्रत्यक्ष प्रसारण गरेको थियो ।
उक्त दिन नवीन के भट्टराईको प्रस्तुति सङ्गै द्रव्य ब्यान्डको बुकी फुल नामक म्युजिक भिडियो सार्वजनिक गरिएको द्रव्यका मेनेजर साथै महोत्सवका कार्यक्रम संयोजक हरी गुरुङले जनाएका छन् । महेन्द्र राईको शब्द र कम्पोजमा रहेको ‘बुकी फुल’ गीत, स्वर द्रव्यका भोकलिस्ट टिकाहाङ लिम्बुको रहेको छ।म्युजिक भिडियाको निर्देशन भूपेन्द्र तुम्बाहाम्फेले गरेका हुन भने पोस्ट प्रोडक्सन ताली इन्टरटेन्मेन्टले गरेको गुरुङले जनाएका छन् । ‘बुकी फुल’ मा आसिस तामाङ र निर्मला राईको प्रमुख अभिनय रहेको छ ।
