सुन्दरहरैचा/
कोशी प्रदेशका नव नियुक्त मुख्यमन्त्री हिक्मतकुमार कार्कीले पद तथा गोपनीयताको शपथ लिएका छन । बिहीबार मुख्यमन्त्री कार्कीलाई प्रदेश प्रमुख परशुराम खापुङ पद तथा गोपनीयताको शपथ गराएका हुन् ।
कार्की यस पटक तोस्रो पटक केशी प्रदेको मुख्यमन्त्रीमा नियुक्त भएका हुन । यसअघि बिहीबारनै प्रदेश प्रमुख खापुङले एमाले प्रदेश संसदीय दलका नेता कार्कीलाई संविधानको धारा १६८ को उपधारा ५ बमोजिम मुख्यमन्त्रीमा नियुक्त गरेका थिए ।
नव नियुक्त मुख्यमन्त्री कार्कीले धारा १६८ को उपधारा ९ बमोजिम दुई मन्त्री पनि नियुक्त गरेका छन् । नेकपा एमालेबाट रामबहादुर मगर र नेकपा माओवादी केन्द्रबाट गणेश उप्रेतीले विनाविभागीय मन्त्रीको रुपमा शपथ लिएका हुन् ।
नेकपा एमाले संसदीय दलका उपनेता समेत रहेका मगर केदार कार्की नेतृत्वको सरकारमा पनि मन्त्री बनेका थिए । उप्रेतीले भने गत चैत २६ गते पर्यटन, वन तथ वातावरण मन्त्रीबाट राजीनामा दिएका थिए ।
कार्कीलाई एमालेका ३९ र माओवादी केन्द्रका १३ सांसदले समर्थन गरेका छन् ।
कोशीका निवर्तमान मुख्यमन्त्री केदार कार्कीले नयाँ सरकार गठनविरुद्ध सर्वोच्च अदालतमा रिट दर्ता गरेका छन् । प्रदेश प्रमुख खापुङले हिक्मत कार्कीलाई मुख्यमन्त्री नियुक्त गरेपछि केदारले रिट दर्ता गरेका हुन् । रिटमा उनले आफूलाई मुख्यमन्त्रीमा निरन्तरता दिन परमादेश माग गरेका छन् । यस्ता,नेपाली काँग्रेस विराटनगर महानगर कमिटीले कोशी प्रदेशका प्रदेश प्रमुख परशुराम खापुंगको पुत्ला दहन गरेको छ ।
संविधानको गलत बाटो हुदै प्रदेश प्रमुख खापुंगले नयाँ सरकार गठन गराएको आरोप लगाउदै महानगर कमिटीले मुख्यमन्त्री नियुक्ति असंवैधानिक भएको भन्दैबिहीबार राती विराटनगर स्थित घाँस चौकमा पुत्ला दहन गरेको हो ।
