सुन्दरहरैचा ।
नेपाली कांग्रेसका सांसद डा सुनीलकुमार शर्माले कांग्रेस केन्द्रीय सदस्य एवं वन राज्यमन्त्री रुपा विकसँग भाइटीका लगाएका छन् । उनले मन्त्री विकसँग भाइटीकामा जोडिएको दाजुबहिनीको पवित्र जुगौँजुगसम्म जीवन्त रहोस् भनी कामनासमेत गरेका छन् । सामाजिक सञ्जालमा लेखेर उनले पवित्र सम्बन्धको चर्चा गरेका हुन् ।
दिदीको हातको टीका लगाएर उनी मन्त्री विकको हातबाट टीका लगाउन गएका थिए । मन्त्री विकले शनिबार डा शर्मालाई फोन गरेर टीकाका लागि निम्तो गरेपछि केही समय आफू भावविह्लल भएको र आज आफ्नी दिदीको हातको टीका लगाएर बहिनी मन्त्री विकको हातको टीका लगाउन मन्त्री क्वार्टरमा पुगेको उनले बताए ।
मोरङ क्षेत्र नम्बर ३ का सांसद शर्मा फराकिलो मतान्तरले विजयी हुने सांसद हुन् । उनले सांसद बापतको तलब लिँदैनन् । उनी समाजसेवामा निकै नै अगाडि छन् । स्वास्थ्य सेवाको माध्यमबाट उनले न्यून आय भएकाहरुको स्वास्थ्यमा सघाउ पुर्याउँदै आएका छन् ।
मन्त्री विकसँग भाइटीका लगाएपछि यसो लेखेका छन् डा शर्माले–
यसपालिको भाइटीकामा नेपाली कांग्रेस केन्द्रीय सदस्य तथा वन राज्यमन्त्री रुपा विक बहिनीसँग भाइटीका लगाउने सु–अवसर मिल्यो । २०८१ सालको भाइटीकामा टीका लगाएर गासिएको दाजुबहिनीको पवित्र सम्बन्ध जुगौँजुगसम्म जीवन्त रहोस् । निमन्त्रणाका लागि बहिनीप्रति आभार छु । साथै भाइटीका लगाउने क्रममा बागमती प्रदेशका मुख्यमन्त्री बहादुर सिंह लामा, बागमती प्रदेशका माननीय मन्त्री मधुकुमार श्रेष्ठ, गण्डकी प्रदेशसभा सदस्य दोर्ण कुवरजीसँग पनि भेटघाट भयो ।
