सुन्दरहरैचा/
मोरङको सुन्दरहरैंचा नगरपालिका वडा -१० मा रहेको हिमालय इंगलिस स्कुलको “हिमालय डान्स आइडल” सिजन तेस्रोको अडिसन सुरु भएको छ।सोमबार सुरु भएको डान्स आइडल प्रतियोगिताका लागि २ सय ५० जनाले अडिसन राउण्डमा सहभागी भएको प्रिन्सिपल कमल खनालले जानकारी दिनुभयो। पहिलो अडिसनबाट १ सय जना बिधार्थी छनौट भएका छन् भने अब पहिलो राउण्डबाट ५० जना छनौट हुनेछ । त्यसैगरी दोस्रो राउण्डमा २० जना र ५ जनाले फाइनल राउण्डमा प्रतिष्पर्धा गर्नेछन ।
पढाईसंगै विद्यार्थीको अतिरिक्त क्रियाकलापबाट संवेगात्मक बिकासका लागी स्कुलले बार्षिक कार्यक्रम अन्तर्गत विद्यार्थी प्रतिभा प्रष्पुटन गर्न र क्षमता बिकासका कार्यक्रमको आयोजना गर्दै आएको प्रिन्सिपल खनालले जानकारी दिनुभयो ।
साथै अभिभावक डान्स आइडलको पहिलो सिजन २१ जना अभिभावक सहभागी भएर अडिसन दिएका छन् भने जस मध्ये ९ जना पहिलो चरणमा छनौट भएका छन् । फाइनल राउण्डमा ५ जना अभिभावकले प्रतिष्पर्धा गर्ने छन्।
आगामी फागुन १९ गते हुने आठौँ अभिभावक दिवस तथा बार्षिक उत्सवमा फाइनल राउण्ड गर्ने र पहिलो, दोस्रो र तेस्रो हुने अभिभावक तथा विधार्थीलाई ट्रफी, मेडल तथा प्रमाणपत्र बितरण गरिने प्रिन्सिपल खनालले जानकारी दिनुभयो ।
