सुन्दरहरैचा/
लुमन्ति र सुन्दरहरैंचा नगरपालिकाको संयुक्त आयोजनामा विपद जोखिम न्यूनीकरण तथा व्यवस्थापन कार्यबिधि र प्रारम्भिक रणनीति योजना निर्माण कार्यक्रम सम्पन्न भएको छ।
धनकुटाको सागुरीगढी गाउँपालिकाको नाम्जेमा बिपत प्रतिकार्य योजना तथा कार्यबिधि निर्माण गर्न प्रदेश सरकारको बिज्ञ टोली सहित शनिबार २ दिने गोष्ठी सम्पन्न भएको हो। सुन्दरहरैंचा नगरपालिकाकि उपप्रमुख अकली चौधरीको अध्यक्षतामा भएको कार्यक्रममा बिपत ब्यबस्थापन , बिपत जन्य प्रतिकारात्मक योजना, जलवायु परिवर्तन , दीर्घकालीन योजनाको बिषयमा गोष्ठी गरिएको थियो।
कार्यक्रममा सहजकर्ताको रुपमा प्रदेश सरकारका विपद व्यवस्थापन कार्यकारीणी सदस्य राम कुमार दहालले सहजीकरण गरेका थिए ।लुमन्तिका फिल्ड संयोजक लक्ष्मी राईले सुन्दरहरैंचामा बिगत ३ वर्षदेखि बिपत व्यवस्थापनको क्षेत्रमा काम गर्दै आएको भन्दै रणनीतिक र दीर्घकालीन रुपमा स्थानिय तहमा कसरी अघि बढ्न सकिन्छ भनेर कार्यक्रमको आयोजना गरिएको बताईन ।
नगरपालिकाका जनप्रतिनिधि, बिपद ब्यवस्थापन समितिका सदस्य , वडा अध्यक्ष, कर्मचारी, पत्रकार तथा बिभिन्न समजिक संघसंस्थाका प्रतिनिधि सहितको सहभागीतामा कार्यक्रम संचालन भएको थियो।
