असार १९ गते
लेटाङ । लेटाङ नगरपालिकाले छात्रासँग उपमेयर कार्यक्रम अन्तरगत नगरपालिकाका पहाडी वडाका विद्यालयमा पुगेर कक्षा ५ सम्मका छात्राहरुलाई पोशाक वितरण गरेको छ ।
लेटाङ नगरपालिका उपप्रमुख कृष्णकुमारी निरौलसहितको टोलीले आइतबार लेटाङ ७ को सिमाना, पित्लुम्वा र वाराङ्गीका विद्यालयमा पुगेर कक्षा ५ सम्मका छात्राहरुका लागि ट्रयाकसुट वितरण गरेको हो ।
पहाडी वडाका विद्यालयमा अध्ययन गर्ने अधिकांश छात्राहरु विपन्न परिवारका रहेको तथा यसक्षेत्रमा प्राय चिसो मौसम हुने भएकाले जाडोमा लगाउने ट्रयाकसुट वितरण गरिएको उपप्रमुख निरौलाले जानकारी दिनुभयो । हेर्नुहोस् तस्विरहरु :
