सुन्दरहरैँचा । शिव भट्टराई भोजपुरे
मोरङको सुन्दरहरैँचा–१२ स्थित श्री इन्द्रपुर इङ्लिस बोर्डिङ स्कुलमा नागपञ्चमीको अवसरमा कक्षा एलकेजीका विद्यार्थीहरूका लागि सिर्जनात्मक रंगभर्ने गतिविधि आयोजना गरिएको छ।
नागपञ्चमी पर्वको सांस्कृतिक महत्वसँग विद्यार्थीलाई परिचित गराउँदै उनीहरूलाई नागको चित्रमा विभिन्न रंग भर्न लगाइएको थियो। साना विद्यार्थीहरूले उत्साहपूर्वक सहभागिता जनाउँदै आफ्नो सिर्जनशीलता र कलात्मक क्षमता प्रस्तुत गरेका थिए।
रंगभर्ने गतिविधिमार्फत विद्यार्थीहरूले पर्व तथा संस्कृतिबारे जानकारी लिनुका साथै रमाइलो वातावरणमा सिर्जनात्मक सिकाइको अनुभव गरेका थिए। विद्यालयले यस्ता गतिविधिले बालबालिकाको कल्पनाशक्ति, सिर्जनशीलता र सिकाइप्रतिको रुचि विकास गर्न सहयोग पुग्ने जनाएको छ।
नागपञ्चमीको अवसरमा आयोजित उक्त गतिविधि संस्कृति, सिर्जनशीलता र मनोरञ्जनात्मक सिकाइको सुन्दर संयोजन बनेको थियो।
