सुन्दरहरैचा/ साउन १ गते
मोरङको सुन्दरहरैँचा नगरपालिकाले ‘नागरिकसँग जनप्रतिनिधि’ कार्यक्रमअन्तर्गत विशेष सरसफाइ अभियान सञ्चालन गर्ने भएको छ।
नगरपालिकाका अनुसार २०८३ साउन २ गते शनिबार बिहान ७:०० बजे मोरङको खोर्साने चोकमा सरसफाइ कार्यक्रम आयोजना गरिनेछ। कार्यक्रममा जनप्रतिनिधि, कर्मचारी, विभिन्न संघसंस्था तथा स्थानीय नागरिकहरूको सहभागिता रहने अपेक्षा गरिएको छ।
‘सुन्दरहरैँचाको पहिचान : समृद्धि र सुशासन’ भन्ने नारासहित सञ्चालन हुने उक्त अभियानमा नगरपालिकाले सम्पूर्ण नगरवासीलाई उपस्थित भई सरसफाइ अभियानलाई सफल बनाउन आग्रह गरेको छ।
